Gjykata e Apelit të Posaçëm miratoi masën e arrestit me burg pa afat, ndaj avokatit Alban Bengasi, i akuzuar nga SPAK, se ka ofruar 120 mijë euro për të dhunuar ish – bashkëshorten e tij.
Bengasi ishte në kërkim që në maj të vitit 2022, pas dëshmisë së vrasësit me pagesë, tashmë bashkëpunëtor i drejtësisë, Nuredin Dumani.
Dumani rrëfeu para hetuesve se avokati i kishte afruar fillimisht shumën monetare atij, por për shkak se ishte femër nuk kishte pranuar.
Bengasi u arrestua pak muaj më parë, pasi ai u largua pas urdhër-arresteve drejt Dubait dhe më pas u arrestua sapo zbriti në Rinas.
Ai ka kërkuar zbutje të masës së sigurisë, por kjo nuk është pranuar.
Në seancën e sotme, me dyer të mbyllura, mësohet se avokati nuk ka dhënë ndonjë dëshmi. Më parë ai i ka mohuar të gjitha akuzat dhe ka pretenduar se dëshmitë e Dumanit nuk janë të vërteta. r.t/abcnews.al
