Një oficer rus, anëtar i Shërbimit Federal të Sigurisë Ruse (FSB), u zhvendos në Turqi për t’i shpëtuar dënimit të Presidentit Putin, i cili nuk heziton ta quajë atë “kriminel lufte”.
Gleb Karakulov, siç është emri i tij, i bëri thirrje Perëndimit të bëjë gjënë e duhur për ta ndëshkuar siç e meriton. Ai gjithashtu pretendon se presidenti rus është aq paranojak për sigurinë e tij, saqë preferon të qëndrojë i izoluar “në bunkerin e tij”.
Për më tepër, siç thotë ai, Putini ka “frikë nga vdekja”. Putin ka frikë nga ideja se do të vritet nga armiqtë e tij dhe zgjedh të qëndrojë “në bunkerin e tij” në vend që të udhëtojë si dikur.
Paranojën e liderit rus e tregon edhe fakti se ai nuk përdor kurrë celular, shton ai.
“Domethënë, në të gjitha vitet e shërbimit tim, nuk e kam parë asnjëherë me celular dhe as që kam përdorur internetin. Ai merr informacion vetëm nga rrethi i tij i ngushtë, që do të thotë se ai nuk është mjaft i informuar, raporton abcnews.al.
Kjo do të thotë se njohuritë e tij për ngjarjet filtrohen përmes shërbimeve të inteligjencës dhe asaj që ai shikon në televizionin rus të kontrolluar nga shteti. Ai shton se Putini ka një fobi ndaj sëmundjes Covid dhe, për këtë arsye, është ende i izoluar.
“Ne kemi ende një president që është në izolim. Duhet të respektojmë një karantinë të rreptë për dy javë para çdo takimi, edhe ato që zgjasin 15 deri në 20 minuta”.
“Ka një grup këshilltarësh të tij që e kanë kaluar këtë karantinë dyjavore. Ata konsiderohen ‘të pastër’ nga sëmundja Covid dhe mund të jenë në të njëjtën dhomë me Putinin”, shpjegon dezertori rus.
Në lidhje me thashethemet që qarkullojnë për shëndetin e Putinit, Karakulov nuk dha informacion të qartë nëse lideri rus vuan nga kanceri apo ndonjë sëmundje tjetër e rëndë.
“Nëse ai ka probleme shëndetësore, ato duhet të jenë për shkak të moshës së tij. Por nuk është asgjë shumë serioze, mendoj .”
Karakulev gjithashtu theksoi se ai e kishte shoqëruar Putinin në disa udhëtime pune para vitit 2020.
“Duke pasur parasysh faktin se ka pasur shumë udhëtime pune, vetëm një ose dy janë anuluar për shkak të gjendjes së tij shëndetësore.
Megjithatë, sapo shpërtheu pandemia Covid, ai bëri vetëm një, më së shumti tre udhëtime pune në vit”.
Sa i përket jetës personale të Putinit, 35-vjeçari rus duket se nuk dinte shumë për dashnoren e tij 39-vjeçare, medalisten e artë të gjimnastikës olimpike ritmike Alina Kabaeva dhe fëmijët që ata kanë.
Megjithatë, ai konfirmoi se Putini zotëron, ndër të tjera, një pallat prej 1 miliard paund në rajonin e Detit të Zi të Gelendzhik dhe një jaht, “Scheherazade”.
/abcnews.al
