Në mes të një pandemie të ashpër në të gjithë botën, ndërsa varianti i ri Omicron përhapet me shpejtësi, Organizata Botërore e Shëndetësisë po dërgon një mesazh të ri për mutacionet.
Në një konferencë për pandeminë, shefi i OBSH-së, Tedros Adhanom Ghebreyesus u shpreh se ndërsa koronavirusi evoluon, variantet e reja ka të ngjarë që të bëhen plotësisht rezistentë ndaj vaksinave ose ndaj infeksioneve të vjetra, gjë që kërkon “ridizajnimin e vaksinës”.
“Pandemia mund të përfundojë duke i dhënë fund pabarazisë shëndetësore. Unë gjithashtu dua të sigurohem që kujdesi me trajtime të reja të jetë i disponueshëm në çdo vend. Qeveritë duhet të punojnë me ne në një fushatë që synon të sigurojë 70% mbulim vaksinimi në çdo vend,” tha kreu i OBSH.
Edhe në këtë konferencë Ghebreyesus theksoi se programet e dozave përforcuese janë duke rrezikuar që të lënë pa vaksina vendet e varfra. /abcnews.al/
