Organizata Botërore e Shëndetësisë në një deklaratë të premten tha se vaksina anti Covid-19 nga Johnson & Johnson duhet të miratohet për përdorim urgjent në të gjithë botën dhe gjithashtu të jetë pjesë e programit COVAX.
COVAX, programi i OBSH-së që koordinon shpërndarjen globale të vaksinave Covid-19, tashmë ka rezervuar 500 milion doza të vaksinës Johnson & Johnson, në përgatitje të udhëzimeve të mëtejshme të OBSH-së për shpërndarjen.
“Objekti COVAX ka rezervuar 500 milion doza të vaksinës J&J”, tha të premten drejtori i përgjithshëm i OBSH-së Tedros Adhanom Ghebreyesus.
Kjo është vaksina e parë me një dozë që futet në listën e vaksinave për përdorim urgjent të OBSH-së./abcnews.al
