OBSH ka deklaruar se do të mbikëqyrë miratimin e SHBA-së për përdorimin e plazmës të pacientëve të rikuperuar nga koronavirusi për trajtimin e personave të infektuar, duke thënë se provat mbeten ende të cilësisë jo të lartë, raporton Reuters.
Plazma e pacientëve të rikuperuar e cila është përdorur për trajtimin e sëmundjeve të ndryshme, së fundmi do të përdoret edhe si terapi për trajtimin e COVID-19.
Të dielën Administrata e Ushqimit dhe e Barnave (FDA) në SHBA, autorizoi përdorimin e saj tek pacientët me koronavirus, pasi sipas tyre ajo është e sigurt dhe efektive.
Soumya Swaminathan, shkencëtarja kryesore e OBSH-së, tha se vetëm disa prova klinike të plazmës kanë treguar rezultate të sigurta, ndërsa provat e tanishme nuk e kanë dëshmuar mjaftueshëm efektivitetin e saj.
“Ne mendojmë se plazma duhet të cilësohet ende si terapi eksperimentale, derisa provat e tjera klinike ta dëshmojnë të kundërtën”, deklaroi ajo./abcnews.al
