Bayern Munchen po mendon për të ardhmen. Edhe pse Hansi Flick ka në duar një skuadër fantastike, përforcimet janë gjithmonë të mirëpritura te kampionët e Gjermanisë, Evropës dhe Botës.
Në verë do të vijë mbrojtësi Dayot Upamecano nga Leipzig, teksa objektivi i madh është Son Heung-Min. Bavarezët kanë një admirim të madh për sulmuesi koreano-jugor të Tottenham.
28-vjeçari numëron 103 gola dhe 63 asiste në 270 ndeshje të zhvilluara me skuadrën e Jose Mourinhos, teksa ka kontratë deri në verën e vitit 2023.
Drejtuesit e klubit anglez i ofruan dhjetorin e kaluar rinovimin me pesë vite dhe një rrogë prej 200 mijë paundësh në javë! Bayerni nuk kërkon të nxitohet dhe është gati ta presë një vit.
Mjafton që Son të mos rinovojë dhe në verën e vitit 2022 Tottenham do të ishte i detyruar ta shiste, për të mos e humbur me parametra zero një vit më pas. /abcnews.al
