Shqipëria renditet si një ndër destinacionet kryesore turistike për vitin 2019. “Lonely Planet” në një shkrim kushtuar fermave në zonat veriore të vendit tonë, i bën apel turistëve të vizitojnë fermat autentike
Faqja e njohur ndërkombëtare, e specializuar për turizmin “Lonelyplanet”, i ka kushtuar një shkrim fermave në zonat e Shkodrës, Malësisë së Madhe dhe Pukës, në përgatitje për sezonin e ardhshëm turistik.
Partnerët tregtarë ndërkombëtarë, gazetarët e udhëtimit dhe agjencitë shqiptare të turizmit do përfshihen në një kalendar aktivitetesh që përfshijnë ecje, degustimin e verërave, pjekjen e byrekut dhe bërjen e reçelit.
Pjesë e aktivitetit janë fermat në fshatrat Qerret, Ganjollë, Reç, Koplik, Muriqan dhe Lajthiza e Vogël në Pukë.
“Lonelyplanet” e ka përcaktuar Shqipërinë ndër destinacionet kryesore turistike për 2019 në botë./abcnews.al
