Është nxjerrë nga kanali automjeti tip “Mitsubishi” që u rrëzua pasditen e së dielës në Marinës të Fierit.
Brenda makinës u gjetën të pajetë dy punonjës të një kompanie sigurie. Mësohet se viktimat janë Shkëlqim Beqaj 54-vjeç dhe Elior Lagjaj, 36-vjeç.
“Fier- Në vijim të informacionit paraprak të dhënë për një automjet i cili kishte rënë në një kanal me ujë në Marinëz, u bë e mundur nxjerrja e mjetit tip “Mitsubishi” dhe e dy viktimave, të cilët u identifikuan, shtetasit Sh. B., 54 vjeç dhe E. L., 36 vjeç”, thuhet në komunikimin e policisë.
Rrethanat e ngjarjes nuk dihen ende.
/abcnews.al/
