Mbledhja e sotme e Komisionit për Veprimtaritë Prodhuese ka sjellë debate të forta mes mazhorancës dhe opozitës. Deputeti i PD-së Helidon Bushati është përplasur me ministren e Infrastrukturës, Belinda Balluku duke i kërkuar transparencë për Portin e Durrësit.
Në këtë debat nuk kanë munguar as ngritjet e zërit, për shkak të ndërhyrjes pa radhë nga ana e deputetëve të opozitës.
Bushati ka kërkuar nga Balluku që përgjigjet pyetjeve dhe jo të kthehet në pjesën e parë të fjalimit të saj. Ndërkohë Balluku duke iu përgjigjur Bushatit nuk i ka kursyer ironitë për deputetët e opozitës, duke i cilësuar si pallatet e Enver Hoxhës.
Pjesë nga debati:
Belinda: Unë duke u sjellë mirë duke të dëgjuar. Në respekt të plotë tani më dëgjo mua.
Balluku: Qytetarët janë të qartë, shiko si vazhdon dhe flet.
Bushati: Ndjesë.
Balluku: Të kam falur. Të kam dëgjuar se kemi 4 vjet bashkë…që të dëgjoj publikisht. Nuk e ke nisur tani, narrativën politike.
Bushati: Nuk kam aq jo.
Balluku: Ju kam dëgjuar për investime për 3D… por ishte i vërtetë.
Balluku: Ti nuk ke lider, nuk të ndiohmojmë dot… vetëm po vendose të vish tek grupi jonë.
Bushati: Pse flet, po na ktheni në fazën e dytë.
Balluku: Jeni si pallate Enverit. Ishalla po ta japin mendaljen por kush është lideri juaj? Si i doni investitorët, alien?
Bushati: Ligji dhe drejtësia. Po e tregoni në duar tuaja.
Balluku: Mos u shqetëso, se më kë flas unë.
(Bushati ndërhyn sërish)
Balluku: Juve nuk do arrinit kurrë të kishit këtë akses. Nuk prekem unë Helidon. Se i keni batuta të vockla. I kam kaluar unë këto. Kur bën humor je më i lezetshëm. Bëj ndonjë humor shkodran të lezetshëm. Tani nuk prekem.
/abcnews.al/
