Një çift i paidentifikuar (nusja dhe dhëndri) u bënë kryefjala e një grupi në Facebook mbi “momentet dhe historitë e vështira të dasmës” pasi dërguan ftesat për dasmën e tyre me një kërkesë të çuditshme për të ftuarit.
Çifti është nën kritika pasi dyshohet se u kërkuan miqve dhe familjes që të kontribuonin, duke dërguar para së bashku me përgjigjen e tyre nëse do të merrnin pjesë në dasmë. Shuma e kërkuar arriti në 40 dollarë për secilin prej të ftuarve.
Teksti i ftesës nisi duke i përjashtuar të ftuarit nga detyrimi për të blerë një dhuratë: “Në vend të dhuratave tradicionale, ju kërkojmë të kontribuoni në koston e bufesë së pritjes. Kjo do të na lejojë të ndajmë një vakt të mrekullueshëm dhe të krijojmë kujtime me të dashurit tanë.”
Ju lutemi vini re se kostoja për person do të jetë 40 dollarë për të rriturit dhe 20 dollarë për fëmijët 12 vjeç e poshtë.
“Për të lehtësuar procesin e planifikimit, ju lutemi përfshini emrin tuaj dhe frazën ‘kontribut dasme’ në raportin e pagesës.”
Shënimi i dasmës përfundonte: “Prania juaj në dasmën tonë është dhurata më domethënëse që mund të kërkojmë dhe ne jemi vërtet mirënjohës për dashurinë dhe mbështetjen tuaj ndërsa fillojmë këtë kapitull të ri të jetës sonë së bashku.”
Anëtarët e grupit në Facebook nuk janë përmbajtur dhe kanë bërë komentet e tyre. “Nëse nuk e përballon dot dasmën, mos bëj dasmë”, ka shkruar njëri.
Megjithatë, disa folën për një kërkesë praktike. Një mbështetës tha: “Unë nuk kam absolutisht asnjë problem me këtë dhe mendoj se është pak e çuditshme, që njerëzit presin një vakt të shkëlqyeshëm dhe alkool falas, por ata gjithashtu do të ankohen nëse ushqimi dhe alkooli nuk janë mjaftueshëm të mirë ose nuk ka”./abcnews.al
