Përsa i përket Qarkut të Gjirokastrës, nga të dhënat e raportuara deri më tani, PS kryeson me 3754 kundrejt PD-së me 2028 vota. E treta renditet LSI me 912 vota. Gjithashtu Partia Socialdemokrate ka arritur të sigurojë 80 vota deri më tani, shifër që e rendit në vendin e katërt.
Përsa i përket Bashkisë Dropull, PS ka siguruar 396 vota, PD 235 dhe LSI 158. Këlcyra vijon me PS në krye, me 554 vota ndjekur më pas nga PD me 408 dhe LSI 117. Surprizon Bashkia e Libohovës pasi dy partitë kryesore janë kokë më kokë, e para renditet PD me 184 vota dhe PS me 175, ndërsa LSI me vetëm 23.
Duket se numërimi po ecën me ritme të shpejta në Memaliaj. PS ka marrë 1361 vota, PD 504 ndërsa LSI 437. Përmeti vijon me PS në krye, 691, PD 504 dhe LSI 94. Socialistët dominojnë gjithashtu në Tepelenë me 625 vota, PD me 331 dhe LSI me 93. /abcnews.al
