Loading ...
Kryetari i Partisë së Lirisë, Ilir Meta është i bindur se kryeministri Edi Rama është i ikur për çështje javësh.
Në emisionin “Open”, ai tha se Rama do të ikë shumë shpejt nga pushteti, duke pretenduar një datë të afërt, madje theksoi se “nuk e llogariste fare”.
Pjesë nga debati:
Ilir Meta: E para unë nuk sulmoj. Ai bën falsifikime, përdhunime institucioneve të pavarura. Dhe ju thoni meta me gjuhë të ashpër Ramës. Ju jap fjalën se Rama do përgjigjet me firmat e tij dhe me ligjet e tij.
Eni Vasili: Ju e sulmoni ashpër, por ai s’ka replikuar.
Meta: Unë e kam shumë të qartë se pas skenarëve kriminale është ai dhe është pjella më e keqe e sigurimit të shtetit, duke rikthyer këto forma manipulimi duke kujtuar se do godasi pluralizmin politik.
Eni Vasili: Ju thoni i kontrollon, po i bie që është i fortë.
Meta: Nuk është i fortë ai, se nuk kontrollon më drejtuesit e opozitës. Diferencën do e shohim dhe ai e ndjen. Unë nuk e llogarisë fare Edi Ramën, ja u them juve dhe qytetarëve shqiptarë. Edi Rama do kishte ikë në kohë nëse PD do kishte qenë serioze në përmbushjen e misionit të saj. Dhe nëse është edhe sot e tillë, ai është i iku.
/abcnews.al
