Analisti anglez, Paul Merson, ka folur për Sky Sport sa i takon të ardhmes së Alexis Sanchez. Ylli kilen është aktualisht i huazuar tek Interi dhe pritet të rikthehet në verë tek United. Kështu mendon dhe Merson, madje mendon se Sanchez do të jetë shumë i suksesshëm në Old Trafford, gjithmonë nëse Solskjaer arrin të gjejë Sanchezin te Barcelona dhe tek Arsenali.
“Pasi të kalojë kjo situatë e paprecedentë, njerëzit do e kuptojnë se jeta është shumë e shkurtër. Sidomos për një futbollist. Sanchez e ka kuptuar, i ka kaluar të 30-at, ai do të rikthehet tek United dhe do të punojë dyfish për të qenë i suksesshëm.
Nuk ka sens që United ta largojë për një shumë modeste. Ai ka ende për të dhënë, kur është në formë, është një ndër lojtarët më të mirë që ka shkelur në Premier League. Solskjaer duhet të dijë t’i marrë më të mirën. Nëse nxjerr Alexis që ishte te Barcelona dhe Arsenali, do të jetë një aset i shtuar”, u shpreh Merson./abcnews.al
