Kompania amerikane farmaceutike e vaksinës Novavax ka rezultuar 90% efektive ndaj Covid-19, pas provave klinike. Në eksperimentin e kompanisë për të testuar efektivitetin e vaksinës morën pjesë 30 mijë qytetarë nga Meksika dhe SHBA-ja.
Novavax merret përmes dy dozave dhe sipas studimit ka rezultuar 100% efektive në kundër Covid-19 në fazat fillestare dhe 93% kundër disa varianteve. Kompania njoftoi gjithashtu se gjatë tremujorit të tretë të këtij viti do të paraqesë një kërkesë për miratim nga FDA.
Nëse vaksina e Novavax autorizohet nga FDA, ajo do të bëhet vaksina e 4-të në SHBA, pas Pfizer, Moderna dhe Johnson & Johnson. Nëse Novavax arrin të miratohet për përdorim emergjent nga FDA, pritet që vaksina të miratohet edhe nga Agjencia Europiane e Barnave si dhe autoritet përgjegjëse të vendeve të tjera./abcnews.al
