Norma vjetore e inflacionit në Shtetet e Bashkuara u rrit në tetor nga 2.4 për qind e shtatorit në 2.6 për qind, në përputhje me pritjet e tregut, njoftoi Byroja e Statistikave të Punës të SHBA (BLS).
Inflacioni vjetor në SHBA u rrit për herë të parë në shtatë muaj.
Sipas raporteve, çmimet e energjisë në Shtetet e Bashkuara ranë me 4.9 për qind nga viti në vit, kryesisht për shkak të një rënie prej 12.2 për qind të çmimit të benzinës dhe një rënie prej 20.8 për qind të çmimit të naftës, por rënia vjetore e çmimeve ishte më pak e theksuar se në shtator.
Çmimet e ushqimeve ngadalësuan rritjen vjetore në 2.1 për qind krahasuar me 2.3 për qind të shtatorit, ndërsa inflacioni i banesave mbeti i qëndrueshëm në 4.9 për qind.
Në bazë mujore, inflacioni amerikan u rrit me 0.2 për qind, shkruan CNN.
Norma vjetore e inflacionit bazë në SHBA për muajin tetor është 3.3 për qind, e njëjtë me atë të shtatorit, shtohet në raport.
Inflacioni i lartë në Shtetet e Bashkuara praktikisht është zbutur, por ka shumë faktorë rreziku që mund ta nxisin atë, si paqëndrueshmëria në Lindjen e Mesme, shpenzimet e forta të familjeve ose futja e tarifave të importit të shpallura nga Presidenti i rizgjedhur Donald Trump./abcnews.al
