Nora Malaj ka zbuluar se këngëtarja shqiptare me famë botërore, Ava Max është mbesa e saj. Ish deputetja ishte e ftuar në emisionin “Ftesë në 5” ku në bisedë e sipër duke folur për shqiptarët e suksesshëm në botë zbuloi dhe lidhjen e saj me këngëtaren.
“Media të ndryshme flasin për familjet që kanë ardhur nga një shtet dhe janë bërë personalitete në fushën e muzikës. Këtë e kam dhe nga vetja ime me lidhjen që kam me Ava Max-in, se në fakt është mbesa ime realisht,”, u shpreh Malaj.
Ava ka folur dhe më parë me krenari për origjinën e saj shqiptare. Ajo ka treguar se vëllai i saj ka lindur në Shqipëri dhe se prindërit ishin larguar drejt Francës për një vit për t’u shpërngulur më pas në Shtetet e Bashkuara. /abcnews.al
