Numri dy i Foltores, Flamur Noka i mbylli derën që nënkryetari Luçiano Boçi, e la gjysmë të hapur Lulzim Bashës. Njësoj si Berisha dhe me të njëjtat fjalë, Noka e përjashtoi atë nga mundësia për të qenë në çatin e federatës, që opozitarët po përpiqen të bëjnë.
“Kur të flasin për çështjen e qeverisë dhe për ushtarët e saj mund të përfshijnë Bravën. Brava dhe Alibasha për ne nuk janë opozitë”
Siç aleatët e vegjël u kërkojnë, Noka konfirmoi se vazhdojnë përpjkejt që forcat opozitare të bëhen bashkë dhe ata janë duke hartuar një platformë se si mund të shkohet drejt bashkimit.
“Sigurisht në kontaktin e parë që kemi është diskutuar dhe është lënë që të hartohet një platformë për të konceptuar idenë e bashkimit. Dhe jemi në përpjekje të vazhdueshme për të bashkuar opozitën. Kur them për të bashkuar opozitën e kam thënë dhe e them që PD është e qartë në qendrimin e saj”
Ideja e bashkimit është një arsye për ti ndarë edhe më shumë mesa duket. Sekretari për Marrëdhëniet me Publukun, në PD-në e Bashës, Edvin Kulluri reagoi me ironi për Nokën, duke i kërkuar që të ndahet nga Sali Berisha.
Këta që sot pretendojnë bashkim të opozitës janë shkaku i përçarjes së saj. E vetmja rruge që kanë “opozitarët e rrugicave” për të bashkëpunuar me Partinë Demokratike është që të mbajnë qendrim të qartë për personat e shpallur Non-Grata, duke u ndarë përfundimisht nga ta. Kjo kërkon njerëz të lirë dhe me dinjitet”
Aleatët e vegjel të pd, pavarsisht dështimit të idesë së Federatës, nëntorin e shkuar, kur e prezantuan për herë të parë, ata këmbëngulin sërish në këtë për bashkim. Por ndarja e Bashës me Foltoren duket e thellë, të paktën deri më tani./abcnews.al
