Britney Spears nuk i del inati me familjen e saj. Këngëtarja me famë botërore ka hedhur akuza ndaj prindërve se qëndrojnë pas marrëveshjes 13-vjeçare, duke e privuar nga liria. Së fundmi, ylli i muzikës pop ka deklaruar se ka kaluar gjëra të tmerrshme por besimi në Zot e ndihmoi që t’ia dilte mbanë.
“Njerëzit nuk e kanë idenë për gjërat e tmerrshme që më janë bërë mua personalisht. Të mos bëj më muzikë është mënyra ime për të thënë “Shkoni në dreq” në një farë kuptimi kur në fakt i sjell dobi familjes sime duke injoruar punën time reale … është sikur në mënyrë të pandërgjegjshme i kam lënë të fitojnë.”, tha ajo.
“Nga çdo kënd, unë po lëndohesha pa asnjë arsye dhe familja ime po më lëndonte. Unë isha në një gjendje shoku dhe mënyra se si e përballova ishte duke qenë në mohim të rremë. Ishte shumë për t’u përballur me të vërtetë”, shtoi më tej këngëtarja.
Britney zbuloi detaje mbi konfliktet që ka pasur me familjen sa i përket anës profesionale. “Kam kërkuar 13 vjet për të performuar këngë të reja dhe remikse të këngëve të mia të vjetra… Kisha dy muaj pushim në mes të çdo ambienti të shfaqjes për katër vjet në Vegas… dhe sa herë që pyesja më thoshin, “Jo…”!!!!”, zbuloi ajo./abcnews.al
