Kryeministri Edi Rama mëngjesin e kësaj të marte e ka nisur me një lajm të mirë për të gjithë dibranët.
Shefi i qeverisë përmes një video të postuar në rrjetin social Facebook, bën me dije përfundimin e një tjetër ure në Rrugën e Arbërit.
“MIRËMËNGJES
me urën tjetër që po merr formë në rrugën Arbërit dhe me pjesë në ndërtim përgjatë kësaj vepre të shumëpritur nga dibranët, po të vyer për krejt Shqipërinë, ju uroj një ditë të mbarë”, shkruan Rama.
Ndërkohë deri më tani në trasenë e re të rrugës së Arberit nga Ura e Vashës deri në Tiranë kanë përfunduar të gjitha urat dhe tunelet e vogëla.
Aktualisht për momentin po punohet në hapjen e tunelit të Murrizes i cili ka një gjatësi prej 3.3 kilometrash, ndërsa tashmë puna vijon për segmentet e paasfaltuara të rrugës, kryesisht nga Xibri deri në Qafën e Buallit./abcnews.al
