Zara Tindall ka sjellë në jetë një djalë. Lajmin e ka konfirmuar bashkëshorti i saj Mike Tindall në podcastin e tij “The Good, The Bad dhe The Rugby”. Mbesa e Mbretëreshës lindi djalin Lucas Philip mbrëmjes e së dielës në shtëpinë e saj.
Një zëdhënëse e çiftit tha: “Zara dhe Mike Tindall janë të lumtur të njoftojnë lindjen e fëmijës së tyre të tretë, Lucas Philip Tindall.” Duke folur për lindjen, Mike tregoi se si Zara kishte përjetuar kontraktime një natë më parë, por djali i vogël arriti aq shpejt sa nuk patën kohë për të shkuar në spital.
Djali i vogël është i 22-ti në radhë të fronit. Lindja e foshnjës vjen vetëm disa javë pasi kushërira e Zara, Princesha Eugenie, solli në jetë fëmijën e saj të parë më 9 shkurt. /abcnews.al
