Ankthi është një përgjigje e zakonshme ndaj stresit dhe mund të jetë e dobishme në disa situata. Siç shpjegojnë mjekët për Best Life, ai mund të na paralajmërojë për rrezikun e mundshëm dhe kështu të na mbajë në këmbë. Megjithatë, ekspertët thonë se ka disa zakone që mund të na bëjnë të ankthshëm kur nuk ka fare kërcënim për sigurinë tonë.
Siç thonë ata, ankthi mund të shkaktojë probleme të shumta shëndetësore nëse shfaqet shumë shpesh ose pa arsye të justifikuara dhe një nga zakonet më të zakonshme që kontribuon në krijimin e tij është kontrollimi i celularit menjëherë pas zgjimit.
Psikologia Amy Mezulis pohon se kjo sjellje e nis ditën tonë duke “bombarduar” trurin tonë me informacione të ndryshme, duke na bërë të ndihemi në ankth për gjithçka që duhet të bëjmë ditën në vazhdim.
“E gjithë kjo ndodh para se të kemi pasur një shans për të lejuar mendjet dhe trupat tanë të zgjohen. Të gjitha ato postime në rrjetet sociale, lajmet bombastike apo emailet do të jenë aty për 20 minuta pas një filxhani kafeje në mëngjes”, thekson ajo./abcnews.al
