E do te Juventusi dhe nuk flet prej një viti, habit Maurizio Sarri

Një nga objektivat e Juventusit në merkato është Jorginho. Mesfushori italo-brazilian është një nga të preferuarit e Maurizio Sarrit, me të cilin ka punuar te Napoli dhe Chelsea.

Miralem Pjanic është me valixhe gati dhe 28-vjeçari do të ishte zëvendësuesi perfekt i boshnjakut. Por ka një problem që e zbulon The Athletic. Trajneri dhe mesfushori nuk flasin me njëri-tjetrin prej gati një viti.

Që prej momentit që Sarri la Chelsea dhe vendosi të rikthehet në Serie A, tashmë në pankinën e Juventusit, ai ka ndërprerë të gjithë raportet me një prej lojtarëve më të dashur. /abcnews.al