Granit Xhaka është padyshim një i rilindur te Arsenali. Pas një periudhe të mirë, ai u kthye në një nga më të urryerit e tifozerisë. Por, këtë sezon, Granit Xhaka duket se ka rilindur dhe padyshim nuk është më një i urryer, por një lider dhe lojtari më i pëlqyer nga tifozët.
Trajneri Arteta nguli këmbë për Xhakën që të qëndronte në ekip i cili në një periudhë ishte shumë pranë largimit nga klubi. Sot lojtari shqiptar bashkë me ekipin e tij janë shumë pranë fitimit të titullit të Premier League. Xhaka ka një peshë shumë të madhe te Arsenali, kështu që klubi ka filluar punën për të rinovuar kontratën e tij.
Kontrata e Xhakës është e vlefshme deri në vitin 2024. Por, për të treguar vlerësimin dhe besimin ndaj tij, drejtuesit e klubit anglez po përgatisin një kontratë më të zgjatur dhe do ta bënin Xhakën një nga lojtarët më jetëgjatë me këtë fanellë.
Mesfushori shqiptar është pjesë e Arsenalit që nga viti 2016 kur kaloi nga klubi gjerman i Monchengladbach te “topçinjtë”. Këtë sezon ai është bërë një lojtar i jasahtëzakonshëm, duke u aktivizuar 23 herë,3 gola të shënuar dhe ka asistuar 5 herë./ h.ll/abcnews.al
