Ibrahima Konate do të jetë përforcimi i parë i Liverpool në merkaton e verës. 21-vjeçari aktivizohet në qendër të mbrojtjes, është pjesë e Leipzig prej vitit 2017, numëron 94 ndeshje me skuadrën gjermane dhe është gati për hapin e madh.
Gazetari italian, Fabrizio Romano deklaron për talkSport se “The Reds” kanë gjetur akordin me lojtarin francez (12 ndeshje me Francën U21), i cili do të firmosë një kontratë 5-vjeçare. Klauzola e shitjes së tij prek shumën e 35 milion eurove.
Dy klubet kanë arritur parimisht marrëveshjen, teksa po diskutohet vetëm për mënyrën e pagesës së shumës. “Akordi final është shumë afër, është vetëm çështje kohe për të ardhur zyrtarizimi“, thekson Fabrizio Romano.
Ibrahima Konate is set to become Virgil van Dijk’s defensive partner at Liverpool next season #LFChttps://t.co/0ilicHPLel
— talkSPORT (@talkSPORT) May 6, 2021
Konate është përmirësuar shumë kohët e fundit dhe ka krijuar një dyshe të fortë me Dayot Upamecano në qendrën e mbrojtjes së ekipit të Julian Nagelsmann. Sezonin e ardhshëm do e shohim në “Anfied”, aty ku do të luajë përkrah Virgil Van Dijk. /abcnews.al
