Loading ...Deputetja e ‘Nisma’ në Kosovë Arbëreshë Krasniqi, e ftuar në ‘Ballkan Update’ u shpreh se janë të gatshëm për zgjidhjen e ngërçit politik në Kosovë e cila po irriton qytetarët dhe ka pasoja të pariparueshme.
Më tej Krasniqi tha se Limaj ka shprehur interesim për bashkëpunim me Kurtin për formimin e qeverisë së re të Kosovës.
“Duke marrë parasysh zhvillimet e fundit meriton që të kemi një qasje konstruktive në drejtim të kësaj situate. Nisma është e gatshme të jap ndihmën e saj. Limaj ka shprehur interesim për bashkëpunim me Kurtin. Kjo situatë ka kaluar të gjitha pritshmëritë dhe është irrituese për popullin e Kosovës. Krijimi i institucioneve është përgjegjësi sidomos për ata që kanë dalë të parët në zgjedhje.
Situata është e kushtueshme dhe e pariparueshme sepse nuk sjellë asnjë në të gjitha nivelet në vendin tonë.”
Më tej, analisti Visar Dili u shpreh për ‘Ballkan Update’ se fatkeqësia më e madhe e Kosovës është kryeministri Kurti i cili duhet të formojë qeverinë. Dili tha se ai është një shahist i mirë që luan lojëra politike.
“Qëllimi i Kurtit është që ketë një mandat 4 vjecar, një qeveri kaq e dobët me 62 vota nuk është se do të bëntë vepra të mëdha në Kosovë. Kurti duhet ta formojë qeverinë, ai është një shahist i mirë, luan lojëra politike.
Fatkeqësia më e madhe e jona është Kurti kryeministri i Kosovës.”
/ abcnews.al
