Viti 2025 ka nisur me çmime më të lira të produkteve ushqimore dhe shërbimeve.Sipas Instat në janar inflacioni zbriti në 1.9% nga 2.1% që ishte në fund të vitit të kaluar.Ndikim kryesor kanë dhënë çmimet e grupit “Transporti” që shënuan ulje me 2,5 %.
Ndërkohë që rritje të ndjeshme kanë pësuar nëngrupet “Argëtim dhe kulturë” me 5,7 %, pasuar nga grupet “Pije alkoolike dhe duhan” si dhe “Mobilje, pajisje shtëpie dhe mirëmbajtje e shtëpisë”.
Po ashtu të dhënat e Instat tregojnë se shtrenjtim është konstatuar edhe në nëngrupet “mish” me 4%, pasuar nga “qumësht, djathë dhe vezë” si dhe “zarzavate përfshirë patatet” .
Pavarësisht kësaj ulje të nivelit të Inflacionit Banka e Shqipërisë ka parashikuar që inflacioni të kthehet në objektiv në pjesën e parë të këtij viti. Kjo nënkupton që edhe politika shtrënguese e normave të interesit të përfundojë dhe banka qendrore të ulë normat e interesit. Aktualisht norma e bazë e interesit qëndron në nivelin 2.75%.Një rishikim I kësaj norme në muajt në vijim do të nxiste më tej ekonominë në vendin tonë si dhe do të ulte kostot për kredidmarrësit
Sipas Instat, rritja mesatare vjetore e çmimeve në vitin 2024 është 2,2 % nga 4,8 % që ishte në vitin 2023, një tregues ky që konfirmon se tashmë kriza e çmimeve është lënë pas./abcnews.al
