Fredi Beleri, i ftuar në emisionin “Zonë e Lirë” u vu përballë “hetuesit” Ervin Karamuço. Ai iu përgjigj pyetjeve pikante duke filluar nga problemet me drejtësinë e deri tek varrimi i Kostandin Kacifas. Në fakt, ishte një inskenim nga ana e Arjan Çanit për të krijuar idenë e një seance marrjeje në pyetje.
Pjesë nga intervista:
Karamuço: Kjo është një seancë e marrjes në pyetje ndaj jush. Keni pasur ju i vogël një marrëdhënie të mirë me kafshët shtëpiake
Curri: Objeksion.
Beleri: Kjo është një pyetje që nuk ka lidhje me çështjen.
Karamuço: Dua të kuptoj personalitetin e tij që nga momenti që është rritur.
Curri: Klienti mund të përgjigjet nëse do por pyetja është irrelevante.
Beleri: Jam një fis barinjsh dhe sigurisht kam pasur marrëdhënie me kafshët
Karamuço: I përkëdhelnit?
Beleri: Po
Karamuço: Po me zjarrvënien kur keni qenë fëmijë. Pra nuk e keni qejf zjarrin?
Beleri: Jo, jo.
Curri: Zoti hetues pse ju intereson çështja e fëmijërisë
Karamuço: Sepse kam disa elementë që bëjnë pjesë tek manuali i trekëndëshit McDonald për të lidhur një personalitet me atë për çfarë është dyshuar gjatë gjithë kësaj kohe. Ju keni bërë ushtri?
Beleri: Jo
Karamuço: Jeni marrë me gjueti?
Beleri: Jo
Karamuço: Asnjëherë nuk keni përdorur një çifte apo shotgun?
Beleri: Jo.
Karamuço: Kur jeni larguar në Greqi.
Beleri: Në ’90.
Karamuço: Në ’94 ku keni qenë?
Beleri: Në Qipro.
Karamuço: Në ’95.
Beleri: Në Greqi.
Karamuço: Keni pasur probleme me policinë greke.
Curri: Kjo nuk ka lidhje me ngjarjet në Shqipëri. Klienti nuk duhet të përgjigjet.
Beleri: Po.
Karamuço: Jeni akuzuar për një vepër penale?
Beleri: Jam akuzuar dhe gjykuar për moskallëzim krimi për armëmbajtje pa leje.
Karamuço: Jeni dënuar?
Beleri: Jo.
Karamuço: Keni pasur ndonjë provblematikë me pasaportat tuaja në udhëtimet që keni bërë nga Athina në drejtim të një vendi të BE-së.
Beleri: Po kam pasur me një pasaportë. Ishte cështje identifikimi. Shkova në gjyq dhe dola i pafajshëm.
Karamuço: Kur keni ardhur në Shqipëri.
Beleri: Në 2014.
Karamuço: Ju kanë pëlqyer tezat e Vorio Epirit.
Beleri: Për mua nuk ekziston teza e Vorio-Epirit. Kam bërë aktivitet politik për mbrojtjen e të drejtave të minoritetit si në Shqipëri ashtu edhe në Greqi.
Karamuço: Asnjëherë në mënyrë të dhunshme?
Beleri: Kurrë.
Karamuço: Keni pasur persona që vijnë në biznesin tuaj dhe flasin për këtë çështje?
Curri: Objeksion. Pyetjet janë të karakterit privat dhe njeriu në pronë të tij, mund të flasë për çfarëdo lloj gjëje që dëshiron.
Beleri: Në hotelin tim nuk kanë ardhur asnjëherë njerëz që kanë qëllime të mbrapshta ose kanë biseduar për gjëra që kanë të bëjnë me shkeljen e ligjit dhe të kushtetutës shqiptare.
Karamuço: Ju e dini ku ndodhet Peshkëpia?
Beleri: Nga ana gjeografike në google maps.
Karamuço: Keni marrë pjesë në protestat që kanë ndodhur pas vrasjes së Kacifas në Gjirokastër?
Beleri: Kam marrë pjesë tek varrimi dhe përvjetori.
Karamuço: Keni bërë thirrje për urrejtje kombëtare ose çështje të nacionaliteteve?
Beleri: Asnjëherë.
Karamuço: Probleme të tjera keni pasur me shtetin shqiptar.
Beleri: Po.
Karamuço: Në lidhje me hetimin që ka ndodhur pastaj je pushuar për mungesë provash apo jo.
Beleri: Në 2019 u regjistrua çështja. Isha person në hetim dhe në 2021 u mbyll sepse siç tha Prokurorja, nuk kisha lidhje me çështjen penale.
