Përktheu: Liarda Kondakçiu
Çdo vend është i ndryshëm dhe po ashtu edhe ligjet e tij. Ndonjëherë disa ligje mund të duken qesharake, ndërsa herë të tjera nxjerrin në pah vlera të rëndësishme kulturore që mund të jenë të ndryshme nga tonat.
Në listën e mëposhtme do të shohim dhjetë nga ligjet më të çuditshme në mbarë botën që nuk mund ta imagjinoni se ekzistojnë…
- Singapor: Përtypja e çamçakëzit është e paligjshme
Ndalimi i çamçakëzit u vendos në vitin 1992 me synimin e drejtpërdrejtë për ruajtjen e pastërtisë në qytet. Për vite me radhë, qeveria e Singaporit shpenzoi rreth 150,000 dollarë në vit për të hequr çamçakëzin e tharë nga trotuaret, vrimat e çelësave dhe madje edhe stacionet e transportit publik.
Kushdo që importon, shet ose prodhon çamçakëz në Singapor mund të gjobitet ose të burgoset, me përjashtim të çamçakëzit me nikotinë dhe çamçakëzit dentar që ofrojnë vlerë terapeutike.
- Kina: Rimishërimi pa leje është i paligjshëm
Murgjit budist tibetianë nuk lejohen të rimishërohen pasi të vdesin, përveç nëse u është dhënë leja nga qeveria.
- Britania: Është e paligjshme të hysh në Parlamentin Britanik me forca të blinduara
Sado e pamundur të jetë veshja e armaturës në një vizitë në Parlamentin Britanik, ekziston një ligj i vitit 1313 që e ndalon atë. Britanikët sigurisht mund ta kujtojnë atë, por meqenëse armaturat nuk janë më aq të përhapura sa në mesjetë, pse të shqetësohemi?
- Spanja: Është e paligjshme të ndërtosh kështjella me rërë
Spanja ndalon aktivitetin e preferuar veror të ndërtimit të kështjellave me rërë, saqë mund të gjobitesh nëse kapesh duke ndërtuar një të tillë në plazhet e vendit.
Gjobat ndryshojnë sipas vendndodhjes, pasi për shembull në ishullin e Majorkës mund të paguash 100 euro, ndërsa në Galicia mund të paguash deri në 1500 euro.
- Skoci: Është e paligjshme të drejtosh një dem në gjendje të dehur
Përpara se të merrni ndonjë ide të çmendur dhe të pini shumë duhet të dini se mund të gjobiteni për hipur në një dem. Teknikisht, ligji i plotë i vitit 1872 kërkonte që njerëzit të mos ishin të dehur kur hipnin në një dem, kalë ose kur përdornin një karrocë dhe lokomotivë.
Në rast se po pyesni veten, i njëjti ligj thotë se nuk mund të mbani një armë zjarri të mbushur në gjendje të dehur.
- Francë: Meshkujt duhet të veshin rroba banje të modelit “speedo”
Sipas ligjit francez, burrat nuk duhet të veshin rroba banje të gjera në plazhe, pishina dhe vende të tjera publike jashtë plazhit.
Ligji nuk ka të bëjë me sigurinë, ka të bëjë me pastërtinë, pasi burrat nuk do të guxonin të ecnin nëpër qytet me rroba banje “Speedo”. Pra, nëse dikush vesh një Speedo dhe futet në ujë, atëherë rrobat e tij janë më të pastra.
- Kanada: Stacionet radiofonike duhet të luajnë këngë nga artistë kanadezë
Kanadezët janë shumë patriotë. Aq shumë që të gjitha radiostacionet kanadeze u kërkohet me ligj që të luajnë artistë kanadezë të paktën 35% të kohës, veçanërisht gjatë orëve 6 të mëngjesit dhe 6 pasdite, nga e hëna në të premte.
Kjo do të thotë se në një orë të radios gjatë ditës së javës, do të dëgjoni më shumë se 20 minuta artistë si Nickelback, Alanis Morissette, Celine Dion, Michael Bublé dhe Justin Bieber, të gjithë me prejardhje kanadeze.
- Gjermania: Është e paligjshme të mbeteni pa gaz në autostradën gjermane
Të apasionuarit pas makinave u pëlqen të udhëtojnë në autostradat gjermane, pasi dihet se nuk ka kufizime të shpejtësisë. Megjithatë, nëse ju mbaronë gazi, mund të përballeni me një gjobë të rëndë. Dhe as mos mendoni të shkoni në një pikë karburanti më pas, pasi do të merrni një gjobë tjetër për këtë!
Gjermanët besojnë se ju keni fuqinë për të mbajtur makinën tuaj me një depozitë të mbushur, kështu që nëse ju mbaron benzina është faji juaj.
- Itali: Është e paligjshme të ushqesh pëllumba në Venecia
Me mijëra pëllumba që u dyndën në sheshin e Shën Markut në Venecia, të joshur nga turistët që u hidhnin ushqim, ligjvënësit e Venecias zyrtarisht e bënë të paligjshme ushqyerjen e zogjve në vitin 2008.
Thuhet se pastrimi i sheshit, për shkak të pëllumbave, i kushtonte çdo qytetari 275 euro në vit. Tani, nëse kapeni duke ushqyer pëllumbat, mund të përballeni me gjoba deri në 700 euro.
- Greqia: Takat janë të ndaluara në Akropol
Greqia i ndaloi takat e larta në Akropol në vitin 2009, kështu që askush nuk mund të vizitojë Partenonin me taka stileto.
Ky ndalim u vendos për të mbrojtur monumentet 2500-vjeçare nga dëmtimet e shkaktuara nga këpucët e mprehta. l.k/abcnews.al
