Reperi me origjinë shqiptare, Gashi po korr një sukses të jashtëzakonshëm në tregun muzikor amerikan. Ai sapo ka publikuar albumin e tij që mban titullin “1984”. Mes projekteve të tjera, Gashi është bërë bashkë dhe me këngëtarin e famshëm Sting.
Lidhur me këtë duet, ai foli edhe në një intervistë për revistën Forbes pak ditë më parë, teksa tregoi se ka realizuar bashkëpunimin e ëndrrave. “Për shkak të koronavirusit nuk kam pasur rastin të takohem me të. Por ne kemi kontaktuar dhe biseduar.
I dërgova rekordin dhe ai e pëlqeu aq shumë sa që shkroi vargjet e tij. Pra, tani që ne jemi duke xhiruar videon, ne do të kemi një shans të takohemi dhe të flasim dhe të shohim se si po shkon. Jam shumë krenar edhe për regjistrimin. Jam shumë i lumtur për këtë.”, tha Gashi për “Forbes”.
Ndërkohë, ai gjithashtu ka nxjerrë dhe dokumentarin me titull “Now You Know”. Përmes një postimi në Instagram, teksa ka publikuar trajlerin e dokumentarit, Gashi shkruan se; ““NOW YOU KNOW” Dokumentari del sot …. nëse keni ngecur në fund dhe keni nevojë për diçka për t’ju nxjerrë nga balta ju sugjeroj ta shikoni këtë sot. Ky dokumentar është për fëmijët që nuk kanë familje të pasura … nuk kanë lidhje, por kanë ëndrra të mëdha.”
