Zinedine Zidane dha dorëheqjen nga Real Madrid dhe është gati të nisë një aventurë tjetër. Tekniku francez nuk ka ndërmend të qëndrojë një vit pushim dhe agjenti i tij ka nisur nga puna për gjetjen e skuadrës së re.
Juventusi ishte një opsion, por bardhezinjtë vendosën të rikthenin Max Allegrin në stol. PSG dhe kombëtarja e Francës mbeten dy mundësi reale, por e ardhmja e Zizou mund të jetë në Premier League.
Tottenham është një nga klubet e interesuara për 48-vjeçarin. Daniel Levy e cilëson si personin e duhur për të udhëhequr Spurs drejt trofeve. Dy kandidaturat e tjera për pankinën e Tottenham janë Conte dhe Pochettino. /abcnews.al
