Samiti i klimës Cop26 në Glasgow të Skocisë ka qenë i parashikueshëm në shumë mënyra. Siç pritej, liderët botërorë shpjeguan shkallën e krizës klimatike përpara se të premtonin një mori skemash të reja për të shpëtuar botën.
Me të vërtetë, miliarderët u grumbulluan për të treguar se po, ne kemi nevojë të reduktojmë emetimet tona, menjëherë pasi mbërritën në Glasgow me avion privat, shkruan Metro, përcjell abcnews.al.
Boris Johnson bëri paralajmërime të ngjashme të tmerrshme dhe më pas fluturoi me, po, një avion tjetër privat, jo shumë kohë pasi kancelari i tij uli koston e fluturimeve të brendshme rreth ishullit të vogël që ai qeveris. E megjithatë, kishte disa gabime të paparashikueshme.
Biden e zuri gjumi
Në një metaforë ndoshta ogurzezë për atë se sa vëmendje po i kushtojnë liderët botërorë urgjencës mjedisore, njeriu më i fuqishëm në tokë u duk duke fjetur gjatë një fjalimi mbi ngrohjen globale. Presidenti i SHBA Joe Biden mbylli sytë të hënën pasdite, për argëtimin e të gjithëve.
Incidenti me Princin
Princi Charles u pengua pak gjatë rrugës për në podium për një fjalim të parashikueshëm serioz. Ndryshe nga ne të tjerët, trashëgimtari i fronit pretendoi me qetësi se nuk ishte i befasuar nga rënia e tij, duke shpëtuar më të keqen dhe duke vazhduar sikur asgjë të mos kishte ndodhur.
g.v/abcnews.al
