Nëse vitet e fundit na kanë treguar diçka, është se gjithçka mund të ndryshojë, shumë shpejt. Ndërsa shumë ngjarje nuk mund të parashikohen, a mund të parashikohen disa prej tyre?
Ipsos pyeti më shumë se 25,000 njerëz në 34 vende në lidhje me parashikimet e tyre për vitin e ardhshëm, me një sondazh mbi tema që variojnë nga politika, te mjedisi dhe siguria botërore.
Këto të dhëna bazohen vetëm në një anketë dhe megjithëse nuk përqendrohen në njohuritë shtesë të ekspertëve dhe analistëve, ato tregojnë se çfarë mendojnë ose presin njerëzit në 2024.
Siç tregon grafiku i mëposhtëm, shumë njerëz anembanë globit duket presin ngjarje ekstreme të motit.
Përafërsisht shtatë në dhjetë njerëz thanë se vitin e ardhshëm, presim më shumë ngjarje ekstreme të motit sesa vitin e kaluar, si për shembull në Portugali (87 përqind), Indonezi (85 përqind) dhe Kili (79 përqind).
Ndërkohë, tetë në dhjetë njerëz thanë se temperaturat mesatare globale do të rriten dhe gjysma e të gjithë të anketuarve thanë se ata presin që vendi ku ata jetojnë të goditet nga një fatkeqësi natyrore. Njerëzit në Indonezi (75 përqind), Peru (73 përqind) dhe Turqi (71 përqind) thanë se vendi i tyre mund të prekej nga një fatkeqësi natyrore.
2024 do të jetë gjithashtu një vit i madh për zgjedhjet, madje i quajtur viti më i madh zgjedhor në histori nga The Economist, me rreth 4 miliardë votues të vendosur të shkojnë në qendrat e votimit për zgjedhjet rajonale, legjislative dhe presidenciale në 60 vende.
Sytë do të kthehen nga Mbretëria e Bashkuar, India, Europa dhe Shtetet e Bashkuara, ku në këtë të fundit Trump do të kandidojë sërish për postin.
Kur u pyetën për shanset e kandidatit republikan për t’u rizgjedhur, 35 për qind e të anketuarve thanë se kishte gjasa që të zgjidhej sërish, ndërsa 47 për qind thanë se ishte e pamundur dhe 18 për qind nuk dhanë asnjë përgjigje.
Të anketuarit vetëm nga Shtetet e Bashkuara u përgjigjën në mënyrë të ngjashme, me 35 përqind që thanë se mund të ndodhte, kundrejt 46 përqind që thanë se ishte e pamundur dhe 19 përqind që sërish nuk dhanë asnjë përgjigje. Natyrisht, vlen të theksohet këtu se zgjedhjet janë jashtëzakonisht të vështira për t’u parashikuar, me sondazhe shpesh të pasakta.
Gjithashtu në këtë grafik theksohet mundësia e rritjes së imigracionit në mbarë botën.
Shtatë në 10 të anketuar thonë se presin që niveli i imigrimit të rritet në vendin e tyre. Kjo është veçanërisht e lartë në Portugali (87 përqind), Turqi dhe Singapor (secila me 82 përqind) dhe Itali (79 përqind).
Ndërkohë, në botën e biznesit, kthimi në zyrë pas zhvendosjes së shkaktuar nga pandemia drejt punës nga shtëpia parashikohet nga rreth gjashtë në dhjetë të anketuar.Megjithatë, perceptimet ndryshojnë në rajon, me Azinë që kryeson listën për ata që mendojnë se ka të ngjarë që punonjësit e zyrës do të kalojnë më shumë kohë duke punuar në zyrë sesa nga shtëpia: Indonezi (86 përqind), Malajzi (78 përqind), Kinë (76 përqind), Filipint. (75 përqind), Singapor (71 përqind) dhe Indi (69 përqind) zënë gjashtë pozicionet e para.
Ndërsa për sa i përket luftës në Ukrainë, vetëm 31% besojnë se do të marrë fund në 2024.
Një tjetër parashikim është se Netanyahu do të largohet nga posti i kryeministrit izraelit, me 75% që e besojnë diçka të tillë.
Sulmi i Hamasit në Izrael më 7 tetor ishte një fatkeqësi e paprecedentë për vendin dhe shumë analistë mendojnë se do të jetë fundi i kryeministrit izraelit Benjamin Netanyahu.
Bota do të jetë më e nxehtë në vitin 2024 sesa në 2023 (80 përqind)
Future Perfect ka parashikuar vazhdimisht se viti i ardhshëm do të jetë më i ngrohtë se 2023. Me djegien e vazhdueshme të lëndëve djegëse fosile që shkaktojnë ndryshime klimatike, nuk duhet të jetë befasi që viti 2023 ishte viti më i nxehtë i regjistruar ndonjëherë.
Dhe viti 2024 ndoshta do të jetë edhe më i nxehtë, pjesërisht për shkak të El Nino. Në fakt, ekspertët parashikojnë se viti 2024 mund të jetë viti i parë që temperatura mesatare e sipërfaqes globale arrin 1.5 gradë Celsius mbi atë që ishte në periudhën para-industriale.
/abcnews.al
