Kryeministri izraelit, Benjamin Netanyahu tha në një mesazh të drejtpërdrejtë për iranianët të martën se qeveria e liderit suprem Ayatollah Ali Khamenei i frikësohet më shumë popullit të Iranit se Izraelit.
“Kjo është arsyeja pse ata shpenzojnë kaq shumë kohë dhe para duke u përpjekur të shtypin shpresat tuaja dhe të frenojnë ëndrrat tuaja,” tha ai në një mesazh video. “Epo, unë ju them këtë: Mos lejoni që ëndrrat tuaja të vdesin. Unë dëgjoj pëshpëritjet: Gra, Jetë, Liri. Zan, Zendegi, Azadi,” tha ai, duke iu referuar lëvizjes për të drejtat e grave në Iran.
Në mesazhin e tij, ai iu referua sulmit me raketa balistike të Iranit të 1 tetorit ndaj Izraelit, duke thënë se ai kushtoi rreth 2.3 miliardë dollarë nga “paratë tuaja të çmuara”, por shkaktoi dëme margjinale në Izrael.
Netanyahu ka bërë thirrje të mëparshme duke iu drejtuar drejtpërdrejt popullit iranian, si dhe civilëve në Gaza dhe Liban./abcnews.al
