Loading ...
Partitë e opozitës izraelite kanë arritur marrëveshje për të formuar qeverinë e re që i jep kështu fund mandatit 12-vjeçar të Benjamin Netanyahu si kryeministër.
Yair Lapid, udhëheqësi i partisë qendrore Yesh Atid, njoftoi se marrëveshja e koalicionit të unitetit u arrit me sukses, përcjell abcnews.al.
Sipas një marrëveshje rotacioni, kreu i partisë së krahut të djathtë Yamina, Naftali Bennett, do të shërbente si kryeministër përpara se t’i dorëzohej Lapid.
Në një deklaratë, Lapid tha se e kishte informuar Presidentin Reuven Rivlin për marrëveshjen, duke shtuar: “Unë premtoj se kjo qeveri do të punojë në shërbim të të gjithë qytetarëve izraelitë, atyre që e votuan atë dhe atyre që nuk e bënë atë. “Ajo do të respektojë kundërshtarët e saj dhe do të bëjë gjithçka që është në fuqinë e saj për të bashkuar dhe lidhur të gjitha pjesët e shoqërisë izraelite.”
Rivlin i ka bërë thirrje parlamentit që të mblidhet sa më shpejt të jetë e mundur për të mbajtur votën e besimit. Nëse koalicioni nuk arrin të fitojë mbështetjen e një mazhorance në Knesset me 120 vende, ekziston rreziku që vendi të shkojë në zgjedhje për herë të pestë në dy vjet.
Partia e krahut të djathtë të Netanyahu, Likud, fitoi më shumë vende në zgjedhjet të marsit, por ai nuk ishte në gjendje të formonte një koalicion qeverisës pasi iu dha mandati. g.v/abcnews.al
