Në një video me Rio Ferdinand në Youtube, ish-mbrojtësi i majtë i Manchester United, Patrice Evra u përfshi edhe një herë në debatin Leo Messi kundër Cristiano Ronaldos.
“Dua të shpjegoj pse e zgjedh Ronaldon çdo herë. Nuk është për shkak se ai është vëllai ynë, sepse unë jam i dashuruar me etikën e tij të punës”, tha për Mundo Deportivo Evra.
“Zoti i dha Messit talentin, ndërsa Cristiano duhej të punonte për ta pasur atë. Ai kishte talentin, por duhej të punonte për të.
“Nëse Messi do të kishte të njëjtën etikë pune si Cristiano Ronaldo, ai ndoshta do të kishte fituar 15 Topa të Artë. Unë jam i dashuruar me njerëz që punojnë shumë, prandaj zgjedh Ronaldon mbi Messin”. /G.D abcnews.al/
