Një ngjarje rëndë ka ndodhur sot në Vlorë, ku një grua me profesion farmaciste është hedhur bashkë me fëmijën e vogël nga kati i pestë i një pallati, duke gjetur vdekjen.
Pamela Mërtiri, 34 vjeçe vendosi ti japë fund jetës bashkë me foshnjën e saj ishte vetëm 1 vjeç.
Për ngjarjen e rëndë ka reaguar Urdhri i Farmacistëve të Shqipërisë, të cilët teksa shprehin ngushëllimet dhonë se janë të troditur nga kjo ngjarje.
“Të nderuar kolegë, Komuniteti i farmacistëve dhe mbarë opinion publik u trondit sot nga ndarja nga jeta në mënyrë tragjike e koleges sonë Pamela Mërtiri dhe djalit të saj. Urdhri i Farmacistëve të Shqipërisë i shpreh ngushëllimet e sinqerta familjarëve, miqëve, kolegëve dhe gjithë të dashurve të tyre, për këtë ikje të parakohshme”, shkruhet në reagim.
Mes rreshtash kanë shkruar se kush ishte e ndjera Pamela.
“Kush ishte Pamela Mërtiri, për të gjithë ata që nuk patën fatin ta njihnin. Pamela lindi më 30.03.1987 në qytetin e Vlorës. Pas përfundimit të shkollës së mesme, ndoqi studimet e larta, dega Farmaci, pranë Universitetit Kristal, ku u diplomua në vitin 2011. Pamela jetonte dhe ushtronte profesionin e farmacistes në qytetin e Tiranës. Prej vitit 2014 ajo drejtonte subjektin e saj farmaceutik, farmacinë Mela Pharma në qytetin e Tiranës. Ndarja nga jeta e koleges tonë është një humbje e madhe jo vetëm për familjarët por dhe për të gjithë miqtë, kolegët dhe ata që e njohën dhe patën fatin të punonin me të. Lamtumirë kolege! Ti dhe engjëlli yt u prehshi në paqen e përjetshme”, shton Urdhri i Farmacistëve.
Ngjarja e rëndë ndodhi në lagjen “Pavarësia”. Dëshmitarë nga vendi i ngjarje thanë se gruaja nuk jetonte në këtë pallat dhe se kishte shkuar atje, siç duket, me qëllimin për të ndërmarrë këtë akt tragjik. be.k/abcnews.al
