Milani po punon në shumë pista dhe synimi është që të paktën të afrohet një mesfushor qendre. Së fundmi në Austri raportojnë se po negociohet për të blerë Florian Grillitsch, mesfushorin e Austrisë dhe gjermanëve të Hoffenheim.
Te Milani duan të arrijnë sa më shpejt një marrëveshje për transferimin e mesfushorit 26-vjeçar, që në ndonjë rast mund ta aktivizojnë edhe si mbrojtës qendre.
“Kurier” shkruan se shanset që ky operacion të mbyllet me sukses janë të mëdha. Pjesa më e vështirë është bindja e Hoffenheim, që kërkon rreth 10 milion euro për mesfushorin që ka edhe një vit kontratë. /abcnews.al
