Në pritje të emrave për qeverinë e re/ Kryeministri Rama: Shihemi në 11:00

Holli i Pallatit të Kongreseve është për Asamblenë Kombëtare të Partisë Socialiste.

Paraditen e kësaj të enjteje, përpara anëtarëve të kësaj force politike, Edi Rama do të shpalosë programin qeverisës dhe do prezantojë skuadrën me të cilën do të bashkëdrejtojë vendin për katër vitet e ardhshme.

Kreu i qeverisë ka bërë një postim në rrjetet sociale, ku shkruan, “Mirëmëngjes. Shihemi në 11.00”, çka le të kuptohet se kjo do të jetë ora kur do të prezantojë qeverinë e re.

Prioritet në këtë mandat të katërt është integrimi i Shqipërisë në Bashkimin Europian, i cili u konfirmua edhe nga kryeministri Edi Rama në konferencën ndërkombëtare për qeverisje./abcnews.al