Loading ...
Protesta në Unazën e re vijon pas arrestimit 3 prej banorëve protestues, që me ndryshimin e kodit penal rrezikojnë 3 vjet burg. Në një lidhje të drejtpërdrejtë për ABC News gazetari Andi Qosja raporton se janë qindra banorë që i janë bashkuar protestës, e cila vijon prej 3 nëntorit të vitit të kaluar.
Lutfi Kastrati, rrëfen për ABC News se ai preket nga të dy projektet, si ai i zgjerimit të unazës së madhe dhe nga devijimi i lumit Lana.
Lutfi Kastrati, i prekur nga zgjerimi i unazës së madhe: “ Unaza e re momentalisht kërcënohet nga dy projekte; nga projekti i zgjerimit të Unazës dhe devijimi i Lanës. Unë kërcënohem nga të dy këto projekte. Projekti i unazës me kap një biznes, ndërsa devijimi i Lanës më kap shtëpinë, që e kam 150 metra larg.
Për ne fshihet Balla, kryetari i bashkisë dhe Ahmetaj që kanë bërë privatizimin e serave. Familja përbëhet nga 6 anëtarë, kam mbi 20 vite këtu në unzë rë re dhe nga andej nga kam ardh nuk kam asnjë pronë, as shtëpi, asgjë. Ne nuk kemi pushtuar toka i kemi blerë. Dokumentat pë legalizim i kemi bërë që në 2006. Në qershor të vitit 2009, është dhe në fletore zyrtare e kam emrin për legalizimin e pronës dhe kompensimin e pronës nga qeveria që duhet të ishte zbatuar”--rrëfen Kastrati.
Banorët kërkojnë anulimin projektit, pasi shumë prej tyre janë prekur nga zgjerimi. Disa nga banorët ishin në drejtorinë e Policisë për të kërkuar lirimin.
Sitiuata deri në këto momente vijon e qetë dhe pa incidente. Në krye të rrugës qëndrojnë makina të policisë. Ky është një marshim që do vijojë dhe sipas banorëve do vijojë deri në gjetjen e dakordësive.
Protesta mbështetet edhe nga ish deputetë të opozitës. /abcnews.al
