Duket se do ta shohim sërish Leon me Barcelonën.
Fabrizio Romano raporton se në një intervistë me gazetarët, zëvendëspresidenti i Barcelonës për çështjet ekonomike, Eduard Romeu, tha:
“Meqenëse ky [transferim i Messit] do të jetë i lirë, ne me siguri mund ta bëjmë atë. Por në çdo rast, do të jetë një zgjidhje teknike. Ka kufij pagash, ne kemi punuar për këtë këtë verë”, shkruan abcnews.al.
Duke thënë këtë, Romeu mesa duket do të thotë se Leo Messi do të duhet të përshtatet me kufijtë e rinj të pagave të vendosura nga Joan Laporta. Duke filluar nga viti 2022, asnjë lojtar nuk duhet të fitojë më shumë se 10 milionë euro në vit. Nëse paga e lojtarit është më e lartë se kjo, do të diskutohet një ulje e pagës, siç do të ndodhë me Frenkie de Jong.
Sipas raportimeve të mediave, Barcelona është duke punuar në mënyrë aktive për rikthimin e Messit, pasi kontrata e tij me PSG skadon verën e ardhshme. Më herët u raportua se Leo vendosi të mos rinovojë marrëveshjen me parisienët. /G.D abcnews.al/
