Loading ...
“Ne” quhet koncerti që mblodhi artistët që gjuhë të përbashkët kanë talentin dhe muzikën, gjë që dëshmojnë se të gjithë mund të jemi njësoj. Një koncert krejt ndryshe u mbajt në Amfiteatrin e Tiranës.
Muzika qytetare erdhi nën interpretimin e artistëve me aftësi të veçanta të cilët skenën e ndanë me emra të njohur të muzikës shqiptare. Mungesa e shikimit nuk i ka penguar të zhvillojnë talentin e tyre dhe i tregojnë publikut se muzika tejkalon çdo kufizim.
Dy motrat, Alda dhe Blerina Shalari shoqërojnë njëra-tjetrën në skenë. Njëra në piano dhe tjera interpreton këngë të zgjedhura.
Për afro dy orë, ky koncert mbajti të mbërthyer publikun kryeqytetas duke i dhënë mundësinë të shijojnë një mbrëmje ndryshe. Krahas këtyre artistëve, intepretuan edhe emra të njohur si Bojken Lako, Armaldo Kllogjeri të cilët mbështetën talentin e këtyre të rinjve. /abcnews.al/
