Policia e Durrësit ka arrestuar një 25-vjeçar me qëllim ekstradimi drejt shtetit italian pasi rezulton i shpallur në kërkim ndërkombëtar nën akuzën e pjesëmarrjes në organizata kriminale dhe trafikim të narkotikëve.
Sipas policisë Gjykata e Ravenës ka lëshuar urdhër arresti për 25-vjeçarin M. GJ., me banim në Durrës.
Njoftimi i policisë:
Vijojnë operacionet për kapjen e personave të shpallur në kërkim ndërkombëtar.
Operacioni nga Drejtoria Vendore e Policisë Durrës, në bashkëpunim me Interpol Tirana.
Kapet dhe ndalohet një 25-vjeçar, me qëllim ekstradimi në Itali, për veprat penale “Pjesëmarrja në organizata kriminale për trafik narkotikësh”, “Trafikimi i narkotikëve” dhe “Shkelje e ligjit për armët”.
Në vijim të punës për lokalizimin dhe kapjen e personave të shpallur në kërkim ndërkombëtar, si rezultat i shkëmbimit të informacionit mes Drejtorisë Vendore të Policisë Durrës dhe Interpol Tirana, nga shërbimet e DVP Durrës është bërë lokalizimin i vendndodhjes, kapja dhe arrestimi provizor, me qëllim ekstradimi drejt Italisë, i shtetasit shqiptar:
M. Gj., 25 vjeç, banues në Durrës, pasi Gjykata e Ravenës, Itali, më datë 31.08.2020, ka lëshuar urdhër arresti për veprat penale “Pjesëmarrja në organizata kriminale për trafik narkotikësh”, “Trafikimi i narkotikëve” dhe “Shkelje e ligjit për armët”, parashikuar nga Kodi Penal italian.
Interpol Tirana, në bashkëpunim me Interpol Romën, po vijon procedurat për ekstradimin e këtij shtetasi drejt Italisë.
n.d./abcnews.al
