Tifozët rus të skuadrës së Torpedo Moscow janë shfaqur të irrituar ndaj skuadrës së tyre. Në rrjetet sociale po qarkullon një video, ku ata sulmojnë autobusin e skuadrës së tyre. Ata hodhën flakadanë drejt mjetit që po lëvizte në rrugë, ndërkohë që nuk munguan edhe koret.
“Ne jemi Torpedo, ju jeni një m*t”, thërrisnin ultrasit e skuadrës ruse, që kanë parë skuadrën e tyre të humbë vendin e parë në ligën e dytë ruse. Torpedo Moscow humbi tre ndeshje radhazi në kampionat, për të ardhur të te disfata 5-1 me Khimki në kupë, tre ditë më parë.
Ultrasit kanë paralajmëruar skuadrën e tyre, që nesër rinis udhëtimin në kampionat. Ata kanë në program një ndeshje në transfertë, kundër Avangard Kursk, dhe presin që ekipi i tyre i zemrës të rikthehet te fitoret. /abcnews.al
https://www.instagram.com/p/B9bi7flqWQl/?utm_source=ig_web_copy_link
