Krahas gjyqtares Enkeleida Hoxha,sekretares së gjykatës dhe avokatit Aldo Tabaku, SPAK arrestoi dje edhe shtate persona të tjerë, një pjesë e të cilëve ishin familjarë të të dënuarve që kishin paguar para me qëllim lirimin nga burgu apo uljen e viteve.
Gazetarja Glidona Daci ka siguruar dosjen hetimore për abcnews.al ku duket se SPAK ka ndjekur hap pas hapi që në muajt e verës lëvizjet e gjyqtares, avokatit si edhe kontakteve të tyre, siç janë për shembull familjarët e të dënuarit Gentian Skëndaj.
LEXO EDHE: Operacioni i bujshëm në Krujë, SPAK jep detaje për 10 arrestimet: Mes tyre gjyqtarja dhe avokati
Këta të fundit sipas SPAK kanë paguar një shumë parash tek avokati për lirimin e Skëndajt, por kjo gjë nuk është finalizuar duke shkaktuar konflikt mes tyre.
Në fotot e bëra nga SPAK, të siguruara nga abcnews.al duket momenti i takimit të avokatit Aldo Tabaku me familjarët e Skëndajt.
Në një tjetër foto, të fiksuar më datë 13 nëntor 2020 duket momenti i takimit të Tabakut me gjyqtaren Enkeleida Hoxha në një ëmbëltore.
Duket se ata janë futur aty gjoja rastësisht për të mos lënë gjurmë, por SPAK ka marrë kamerat e sigurisë së biznesit duke zbuluar gjithçka.
Hoxha, Tabaku, sekretarja e gjykatës si edhe personat e tjerë u arrestuan dje pasi dyshohet se duke dhënë shuma parash nga 6 në 12 mijë euro mundësonin lirimin nga burgu apo uljen e viteve të burgut për të dënuarit. /abcnews.al
