Dielli i nxehtë i Tiranës këtë të mërkurë nuk pengoi tifozët kuq e zi për të ndjekur në shesh përballje e kombëtares në Hamburg.
Ndonëse temperaturat janë tepër të larta, qindra tifozë kuq e zi zgjohen Sheshin Skënderbej për të ndjekur sfidën e dytë të kombëtares në Euro24 përballe kroatëve.
Në kushte jo të favorshme, tifozët përcollën atmosferë dhe emocione përballë ekranit gjigand në Fan Zone.
Nuk mungoi edhe shkuma-party për të sjellë sado pak freski.
Ndonëse sfida e parë me italianët e humbur, tifozët para pak para se lojtarët të zbresin në fushë shprehin optimizmin për fitore në këtë ndeshje.
Mjaftuan vetëm 11 minuta lojë dhe topi në rrjetën e kroatëve nga Qazim Laçi solli emocione të papërshkrueshme mes tifozëve.
Të ethshme ishin përjetimet e mbështetësve të kombëtares në pjesën e dytë të sfidës.
Minutat e fundit ndryshuan atmosferën në ministadiumin e Fan Zone në qendër të Tiranës.
Ndonëse prisnin fitore, barazimi me kroatët motivon tifozët kuq e zi, të cilët pas ndeshjes shprehin mbështetjen për kombëtaren.
“Do na lumturonte fitorja, po barazimi shumë mirë. Ishte ndeshje shumë e bukur.”
“Lojë shumë e bukur, na motivon për të ecur më tej”.
Ndeshja u ndoq në shesh edhe nga të huaj.
E hëna e 24 qershorit pritet të jetë një tjetër mbrëmje emocionuese për tifozët kuq e zi në qendër të Tiranës, të cilët do të ndjekin sfidën e radhës së kombëtares me Spanjën.
/abcnews.al
