Loading ...
I ftuar “special” i Federatës Shqiptare të Futbollit, në kuadër të kursit për drejtor sportiv të organizuar nga këta të fundit ishte dhe “strategu” i merkatos së “zikaltërve” të Inter, Piero Ausilio, i cili mbrëmjen e së enjtes do të jetë në tribunën e “Air Albania” për të ndjekur nga afër një nga “objektivat” e merkatos së nënkampionëve të Evropës.
Bëhet fjalë për “shkatërruesin” çek të mesfushës, Tomas Soucek, me 28-vjeçarin që tashmë ka hyrë në vitin e 5-të dhe të fundit të kontratës së tij me “çekanët” e Ëest Ham dhe pritet që në merkaton e verës, të nisë një “aventurë” të re, si lojtar i lirë.
Ky tifoz i veçantë në “Air Albania” do të mbajë gjithashtu nën vëzhgim dhe lojën e “dirigjentit” të mesfushës, Kristjan Asllani, me lojën e këtij të fundit, që nga mediat italiane konsiderohet si më e bukur se ajoqë bën tek Inter.
“Në Kombëtare ka më pak presion, ndaj duke qenë më i çliruar psikologjikisht, Asllani mund të shprehë plotësisht futbollin e tij. Dhe saktësisht kjo është ajo që pret të shohë Ausilio”,- shkruan prestigjiozja “Corriere Dello Sport”. /i.m /abcnews.al
