Presidenti i Republikës Srpska, Milorad Dodik deklaoroi se vendimi i përfaqësuesit të lartë të komunitetit ndërkombëtar në Bosnje dhe Hercegovinë, Christian Schmidt për ndryshimin e kushtetutës për formimin e qeverisë, nuk do të aplikohet në Republikën Srpska.
Dodik u shpreh se pozicioni i Republika Srpska është i qartë dhe i njohur, shkruan Danas.
“Vendimi i Christian Schmidt, i cili pretendohet se imponon një ndryshim në Kodin Penal, nuk do të publikohet në “Fletoren Zyrtare” dhe nuk do të zbatohet në Republikën Srpska”, theksoi ai.
Dodik shtoi se mandati i Schmidt “nuk u konfirmua në Këshillin e Sigurimit të OKB-së”.
Став Републике Српске је јасан и познат. Одлука Кристијана Шмита, којом се наводно намеће допунa Кривичног законика, неће бити објављена у “Службеном гласнику” и неће се примјењивати у Републици Српској.
Шмит није високи представник јер нема мандат потврђен у Савјету безбједности…— Милорад Додик (@MiloradDodik) April 28, 2023
Më 27 prill, Schmidt bëri ndryshime të përkohshme në Kushtetutën e entitetit të Federatës së Bosnje dhe Hercegovinës, që pritet ta lehtësojnë formimin e Qeverisë së Federatës si dhe ligjeve penale për parandalimin e mashtrimeve zgjedhore.
Këto ndryshime u bënë për të ndihmuar formimin e një qeverie rajonale pas një bllokimi të gjatë. Kjo i jep parlamentit të Bosnje dhe Hercegovinës një vit kohë për ta hartuar versionin e vet të amendamenteve kushtetuese.
Federata Boshnjako-Kroate, një rajon autonom, nuk ka arritur ta formojë qeverinë që nga zgjedhjet e tetorit të vitit të kaluar, sepse partia më e madhe boshnjake, SDA, ka bllokuar çdo propozim që nuk përfshinte ministrat e saj.
