Parlamenti Europian ka miratuar reforma gjithëpërfshirëse për të trajtuar ndryshimet klimatike, duke përfshirë një rishikim të tregut të karbonit. Tregu i karbonit në Europë i detyron termocentralet dhe fabrikat të kenë një leje të posaçme për të emetuar dioksid karboni (CO2).
Ai ka reduktuar emetimet e këtyre sektorëve me 43% që nga viti 2005, por po rishikohet për të përmbushur objektivat më ambicioze europiane për trajtimin e ndryshimeve klimatike.
Parlamenti miratoi me shumicë dërrmuese një marrëveshje të rënë dakord vitin e kaluar nga negociatorët nga vendet e BE-së dhe parlamenti për të reformuar tregun e karbonit për të ulur emetimet me 62% nga nivelet e vitit 2005 deri në vitin 2030.
Si pjesë e reformave, fabrikat nuk do të kenë më leje të emetimit të CO2 deri në vitin 2034 dhe emetimet e transportit do të shtohen në tregun e CO2 nga viti 2024.
Eurodeputetët gjithashtu mbështetën një plan të BE-së për të hequr gradualisht importet e mallrave me intensitet karboni nga viti 2026, duke synuar importet e çelikut, çimentos, aluminit, plehrave, energjisë elektrike dhe hidrogjenit.
Ligjet do të duhet të miratohen nga vendet e BE-së, të cilat do t’i vlerësojnë ato në javët në vijim.
/abcnews.al
