Ivan Gazidis ka marrë frenat te Milani dhe shumë ndryshime priten te kuqezinjtë. Siç raporton gazetari i njohur italian, Fabrizio Romano, Zvonimir Boban do të largohet ditët e ardhshme nga Milani. Gjithashtu, pritet edhe një largim i legjendës së klubit, Paolo Maldini.
Gazidis prej kohësh është në kontakt me Ralf Ragnick, i cili do të jetë trajner i Milanit, duke filluar nga sezoni i ardhshëm. Gjithçka duket drejt konkretizimit dhe sa më shumë afrohet sezoni i ri, aq më shumë po konkretizohet gjithçka.
Milani po bën një tjetër sezon me ulje-ngritje dhe kjo gjë nuk i pëlqen aspak drejtuesve. Pioli do të largohet, si dhe do të ketë ndryshime në stafin drejtues për sezonin e ardhshëm. Një “frymë” e re parashikohet te Milani./abcnews.al
AC Milan are going to face a new revolution. Zvonimir Boban will leave the club on next days and Paolo Maldini is considering to leave too – Ivan Gazidis is working to get Ralf Rangnick as new manager for next season. ?⚫️ #ACMilan
— Fabrizio Romano (@FabrizioRomano) March 2, 2020
