Interi tregoi forcë karakteri pas eliminimit nga Champions League. Ekipi i Antonio Contes fitoi dy ndeshje të vështira ndaj Cagliarit dhe Napolit, dhe ka përfituar nga barazimet e Milanit.
Tani diferenca me kreun është vetëm një pikë, teksa Spezia dhe Hellas Verona janë dy kundërshtarët e fundit për këtë vit kalendarik në Serie A.
Dy sfida për t’u fituar teksa ka ndryshime në repartin e mesfushës. Marcelo Brozovic pësoi një lëndim në këmbë dhe u largua nga fusha në mesin e pjesës së dytë, duke i lënë vendin Stefano Sensi.
Kroati do të mungojë në sfidën shtëpiake të fundjavës kundër Spezias. Një rikthim në fushë për italianin, i cili mund t’i japë diçka ekstra Interit në këto momente.
Drejt rikuperimit është edhe Arturo Vidal. Kileni u dëmtua në takimin me Bologna dhe po bën maksimumin të jetë gati për ndeshjen e radhës në kampionat. /abcnews.al
